Monday, February 16, 2009
ဒီနှစ်ဆောင်းအလွန်အေးသည် လေအေးအေးလေတွေတိုက်လိုက်လျှင် အသားတောင်ပဲ့သွားမလားထင်ရအောင်ပင်။ ဒါပေမဲ့ ကျောင်းဆရာမလေးကတော့ ဒီနှင်းမှုံလေးတွေကြားမှာလမ်းလျှောက်ရသည်ကိုပျော်သည်။ နှင်းမှုံတွေမျက်နှာကိုလာထိသည်ကိုနှစ်သက်လှသလို ချယ်၇ီပွင့်ကြွေတွေကိုနင်းရင်းလမ်းလျှောက်ထွက်ရသည် ကတော့ သူအပျှော်ဆုံးပါပင်။
သူနာပြုဆရာမလေးကလည်း သူနှင့်အတူတူလမ်းလိုက်လျှောက်ပေးလေ့ရှိသည်။ ပတ်ဝန်းကျင်တစ်ခုလုံးဟာတိတ်ဆိပ်နေသလို သူတို့နှစ်ဦးမှာလည်း
စကားမပြောဖြစ်ကြဘဲအတွေးကိုယ်စီနှင့်သာ လျှာက်လာကြရင်း ။
ကျောင်းဆရာမလေးက တိပ်ဆိပ်မူကို စတင်ဖြိုခွင်းလိုက်သည်။
"မောင်ကျောက်ခဲတစ်ယောက်ကျောင်းမလာတာကြာပြီနော်တဲ့။ "
"အင်းဟုတ်သားဘဲ သူမလာတာသုံးရက်တောင်ရှိနေပြီ။ ဟ။။ သူ့အမေများမွေးပြီလားမသိဘူးနော်။ "
"ဟုတ်သားဘဲ ဒါကြောင့်ကလေးကျောင်းမလာတာနေမှာ။ ငါတို့သွားကြည့်မှဖြစ်မည်။ ဘယ်လိုနေလည်းမသိ။ "
"ဒီလောက်အေးနေတာ အ၀တ်အစားတွေကောလုံလောက်ရဲ့လားမသိဘူး။
ငါအ၀တ်တချို့နဲ့လိုအပ်တာလေးတွေယူလိုက်ဦးမယ်။ ပြီးရင်သွားရအောင်။"
နှစ်ယောက်သား လိုအပ်သောပစ္စည်း၊ ဆေး၊ စားစရာတစ်ချို့ကိုယူပြီးတော့ စတင်ချီတက်ကြသည်။
အဲဒီအမျိုးသမီးမှာ ကလေး ၇ှစ်ယောက်ရှိသည်။ ဒါပေမဲ့ကလေးနှစ်ယောက်လားဘဲသူနှင့်အတူရှိသည်။ မွေးလာသမျှကလေးတွေ က အလွန်ချောသည် အသားဖွေးဖွေးလေးတွေ။ မြင်မြင်သမျှလူတွေကသနားတော့ တစ်ယောက်ပြီးတစ်ယောက် ခေါ်ခေါ်မွေးစားကြကာ ကျောင်းများထားပေးကြသည်။အခုတော့ ကလေးနှစ်ယာက်သာသူနှင့်အတူရှိနေသည်။ မောင်ကျောက်ခဲမှာအသက်ဆယ်နှစ်လောက်ရှိနေပြီ ကျောင်းမနေရရာ။ ဒီတော့ ဆရာမလေး က ပဲ ဒီကောင်လေးကိုတာဝန်ယူကာ ကျောင်းထားပေးသည်။
သူတို့အိမ်ကိုရောက်ရန် တောင်ကိုတက်ရသည် တောတန်းလေးကိုဖြတ်ရသည်။ နောက်မှ လေထန်ကုန်းဟုခေါ်ရလောက်အောင်အေးသောနေရာရှိ မလုံတစ်လုံထရံအိမ်လေးမှာမောင်ကျောက်ခဲ၏နေအိမ်ပင်။
အိမ်နားရောက်တော့ မောင်ကျောက်ခဲက အိမ်ရှေ့မှာထိုင်နေတော့
ဆရာမလေးကမေးလိုက်သည်။
"အမေကော.."
"အပေါ်မှာ... "
အပေါ်ဆိုလို့နှစ်ထပ်အိမ်မဟုတ်ပါ။ မြေဆိုက်အိမ် လှေကားသုံးထစ်တက်စာပင်။ အိမ်ပေါ်ရောက်တော့........သေချာတာပေါ့ မီးဖိုဘေးနားမှာစောင်ပါးပါးလေးနှင့်အိပ်နေသော မိခင်နှင့် ပုဆိုးအစုတ်လေးနှင့်ပတ်ထားသော ကလေး လေး။
သူနာပြုဆရာမကတော့ ချက်ခြင်းသဘောပေါက်သည် သူဘာလုပ်၇မည်ဆိုတာ။
"ရှင့်ကိုဘယ်သူမွေးပေးလည်း.."
"ကိုယ့်ဟာကိုမွေးတာပါ ။ "
"ချက်ကြိုးဘာနဲ့ဖြတ်လည်း.."
အမျိုးသမီးက မျက်စောင်းထိုးပြသည်။ထရံကြားမှာထိုးထားသော ဘလိပ်ဒါးတစ်ခြမ်းပဲ့လေး။
ကျောင်းဆရာမကတော့ "အမလေးတော"့ဟုထအော်သည်။
"ကျမ မီးကင်ပြီးမှဖြတ်တာပါတဲ့လေ။ "
သူနာပြုကတော့ ဆက်မေးသည် အချင်းကုန်လား ပြစမ်း ဆိုကာသူစတင်လုပ်ဆောင်ပေးသည်။
ညစ်ပတ်နေသော အမျိုးသမီးတစ်ကိုယ်လုံးကို လည်းသန့်ရှင်းရေးလုပ်ပေးစရာရှိတာလုပ်ပေး၊ ပါလာသောလုံခြည်များကိုလဲဝတ်ပေးပြီး နောက် ဆေးထည့်ပေးစရာရှိတာတွေဘာတွေလုပ်ကိုင်ပေးနေသည်။
ကျောင်းဆရာမလေးကတော့ အမျိုးသမီးအတွက် စားစရာများ သေချာပြင်ဆင်ပေးနေသည်။ ကလေးလေးကတော့ငြိမ်ငြိမ်လေးအိပ်နေသည်။ ကလေးလေးမှာတော့ မီးဖိုဘေးနားတွင်ဆိုတော့နွေးနေသည်ထင်သည်။ ဒါပေမဲ့မွေးပြီးကတည်းက သန့်ရှင်းရေးလုပ်ပေးထားပုံမရသေး ညစ်ပတ်နေသည်။
ဆရာမလေးနှစ်ယောက်မွေးခန်းရောက်သွားသလားပင် ပစ္စည်းမစုံမလင်နှင့် အစဉ်ပြေအောင်လုပ်ပေးခဲ့ကြသည်။
လေတဖြူးဖြူးတိုက်နေရာကိုပုဆိုးလေးနှင့်ကာ ထားသောကြောင့်ဆရာမလေးမှာဂရုဏာသက်၍ မေးလိုက်သည်
"မချမ်းဘူးလာဟင.်..."
မချမ်းပါဘူးတဲ့....
ဒီလိုအချိန်မှာသူမ၏ ယောက်ျားကဘယ်ရောက်နေသည်မသိ။
"ယောက်ျားကော.."
"သူလားဒီအချိန်ဆိုရင် အရက်ဆိုင်သို့မဟုတ် ဂျင်ဆိုင်မှာရှိလောက်တယ်။"
တော်တော်လေးကိုအောချလိုက်သည်။ လောကဒဏ်ကိုကြံ့ကြံ့ခံနိုင်နေသောအမျိုးသမီးကိုတော့ တော်တော်လေးချီးကျူးလိုက်ကြတယ်။
နောက်တော့ ဆရာမလေးတို့နှစ်ယောက်လည်း မှာစရာရှိတာမှာ၊ လုပ်ပေးစရာရှိတာလုပ်ပေး၊ နောက်ဆုံးပိုက်ဆံအနည်းငယ်ကိုလည်း မောင်ကျောက်ခဲလက်ထဲထည့်ခဲ့ရင်းပြန်ခဲ့တော့သည်။
မိန်းမလက်ထဲမထည့်ရဲ တော်ကြာယောက်ျားအတွက် အရက်ဖိုးဖြစ်နေလိမ့်မည်လေ။
သူတို့နှစ်ယောက်အပြန်လမ်းမှာတော့ မပြည့်စုံခြင်းဘ၀တစ်ခုရဲ့ ကောက်ကြောင်းလေးတစ်ခုကို တော့ ရင်နာလှပေမဲ့ တွေ့ကြုံခဲ့သမျှကို ဟာသနှော၍ပြန်ပြောင်းဖြေရင်း ပြန်လာကြကာ လမ်းတစ်လျှောက်မှာတော့ သူတို့နှစ်ဦးရဲ့ရီသံတွေပျံ့နေပါတော့တယ်။
